Հայաստան․ օֆֆ-ռոուդ տուր եվ գինու համտես 2025

Ժամանում Զվարթնոց միջազգային օդանավակայան։ Հանդիպում Ձեր Ֆենիքս տուր ներկայացուցչի հետ: Տեղափոխում հյուրանոց։ Գրանցում հյուրանոցում։ Գիշերակաց Երևանում:

Նախաճաշից հետո վայելեք քաղաքի ամբողջական շրջայց՝ սկսելով Կոնդից՝ Երևանի ամենահին թաղամասերից մեկից։ Այս պատմական տարածքը, որին հատուկ են նեղ փողոցները և հին շենքերը, գերում է քաղաքի ժառանգությունը հետազոտող զբոսաշրջիկներին։ Այցելեք հյուրատուն՝ թեյի և ավանդական հայկական գաթայի համտեսի համար։ Շարունակենք ճանապարհը դեպի Հաղթանակի այգի և Մայր Հայաստան հուշարձան։ Հետազոտեք Կասկադ համալիրը՝ Քանդակների այգին և Գաֆէսճյան արվեստի կենտրոնը։ Ոտքով շրջեք  Օպերայի մոտակայքում և Հյուսիսային պողոտայում, ապա զբոսնեք Հանրապետության հրապարակում։ Այցելեք «Շուկա»՝ գյուղմթերքի շուկա, որտեղ կարող եք գնել չարազ և ընկուզեղեն, տեղական քաղցրավենիք, ինչպես նաև համեմունքներ։ Այցելեք Վերնիսաժ տոնավաճառ՝ փայտից, կիսաթանկարժեք քարերից, արծաթից և այլ նյութերից պատրաստված տեղական ձեռագործ հուշանվերներ գնելու համար։ Գիշերակաց Երևանում։

Նախաճաշ։ Մեկնում հյուրանոցից դեպի Վայոց Ձորի մարզ։  4x4 ջիպերով այցելեք Գնիշիկի պահպանվող տարածք։ Գնիշիկի կիրճը ցնցող բնության հրաշալիք է՝ ապշեցուցիչ ժայռային կազմավորումներով և վառ լանդշաֆտներով, և կարող է համարվել իսկական դրախտ բնասերների համար։ Շրջայցի ընթացքում հնարավորություն կունենաք տեսնել Նորավանքը բոլորովին այլ դիտանկյունից՝ վերևից բացվող զմայլելի տեսարանով։ Բացի այդ, գիդը կուղեկցի Ձեզ դեպի դիտակետ, որտեղից կարող եք տեսնել վտանգված բեզոարյան այծերին։ Այցելեք Արենի-1 քարանձավ, որը հայտնի է իր հնագույն գինեգործարանով և 5,500 տարվա պատմություն ունեցեղ կաշվե կոշիկով։ Վայելեք գինու համտեսի փորձառությունը, որը ներառում է ավանդական մեթոդներով պատրաստված գինիների համտես։ Շարունակեք ճանապարհը դեպի Եղեգիս գյուղ՝  հյուրանոցում գրանցվելու և գիշերակացի համար։

Նախաճաշ։ 4x4 ջիպով մեկնեք դեպի Սմբատաբերդ ամրոց։ Բարձր բլրի վրա գտնվող և խոր կիրճերով շրջապատված Սմբատաբերդ ամրոցը Հայաստանի ամենատպավորիչ բերդերից մեկն է։ Վերադարձ հյուրանոց։ Դուրս գրում հյուրանոցից և մեկնում դեպի Սևանա լիճ՝ Վարդենյաց լեռնանցքով։ Կանգառ կատարեք Օրբելյանների քարավանատան մոտ, որը գտնվում է ծովի մակարդակից 2,410մ բարձրության վրա։ Ապա շարունակեք ճանապարհը դեպի Սևանա լիճ։ Ճանապարհին այցելեք Միքայելյանների ընտանեկան ֆերմա, որը գտնվում է հայտնի Նորատուսի խաչքարերից հինգ րոպե հեռավորության վրա։ Ձեզ սպասվում է շրջայց պանրագործարանում և 10 տեսակի պանիրների համտես։ Մեկնեք Սևանա լիճ՝ Հայաստանի ամենամեծ լիճը և աշխարհի ամենամեծ քաղցրահամ բարձրադիր լճերից մեկը։ Այն հայտնի է իր շլացուցիչ գեղեցկությամբ։ Շարունակեք ճանապարհը դեպի Դիլիջան՝ Հայաստանի Տավուշի մարզի գեղատեսիլ քաղաք։ Գրանցում հյուրանոցում։ Գիշերակաց Դիլիջանում։

Նախաճաշ։ Մեկնում հյուրանոցից: Ուղևորություն Հաղարծին գյուղ՝ 4x4 Willys Jeeps-ով Դիմաց լեռ՝ արկածախնդրության  և բնության սիրահարների թաքնված գոհար, օֆֆ-ռոուդ շրջագայություն կատարելու համար: Գեղատեսիլ լանդշաֆտի սրտում տեղակայված լինելով՝ այն հիանալի տեսարան է բացում դեպի Իջևանի լեռների քարքարոտ ժայռեր: Ջիփինգը կտևի 4-5 ժամ, խումբը կանցկացնի պիկնիկ լեռան գագաթին։ Առաջիկայում սպասվում է կարճ քայլարշավ դեպի Շաղոտի ջրվեժ։ Վերադարձ Դիլիջան։ Ուղևորություն դեպի Երևան։ Մեկնում հյուրանոցից: Գիշերակաց Երևանում։

Նախաճաշ։ Հյուրանոցից դուրս գրում։ Տեղափոխում օդանավակայան։ Մեկնում Երևանից։