ԴԻԼԻՋԱՆ

Դիլիջանը առողջարանային քաղաք է, երկրի կարևոր հանգստավայրերից է, որը գտնվում է Դիլիջան ազգային պարկի տարածքում՝ Տավուշի մարզում։ Քաղաքն ունի մի շարք բարձրակարգ հյուրանոցներ և առողջարաններ, որոնք այցելուներին հնարավորություն են տալիս վայելել Ազգային պարկի գեղեցկությունը, ինչպես նաև պատմական վայրերը: Քաղաքը հայտնի է նաև իր հանքային բուժիչ ջրի շատրվաններով: Քայլարշավը, լեռնային հեծանվավազքը, թռչունների դիտումը և խնջույքը Դիլիջանի շրջակայքում սիրված հանգստի տեսակներ են:

Անտառապատ և մեկուսացված Դիլիջանում, որն առանձնանում է հայկական ավանդական ճարտարապետությամբ,  բնակվում են բազմաթիվ հայ արվեստագետներ, կոմպոզիտորներ և կինոգործիչներ: Շարամբեյան փողոցը պահպանվել է որպես «Հին քաղաք»՝ իր քարե և փայտե ավանդական շինություններով, ռեստորաններով, հուշանվերների կրպակներով և արհեստանոցներով:

Դիլիջանն համարվում է ամառային և ձմեռային հանգստավայր տեղացի և արտասահմանցի հանգստացողների համար։ Այնուամենայնիվ, վերջին տասնամյակի ընթացքում քաղաքը դարձել է ֆինանսական և կրթական նշանակալից կենտրոն՝ ներգրավելով ուսանողների ոչ միայն Հայաստանից, այլև արտերկրից: Այնտեղ են գտնվում Հայաստանի Կենտրոնական բանկի Ուսումնական և Հետազոտական ​​Կենտրոնը, ինչպես նաև UWC Դիլիջան քոլեջը և ԹՈՒՄՈ ստեղծարար տեխնոլոգիաների կենտրոնը։

Պարզ լիճը Դիլիջանի ամենագրավիչ բնական վայրերից է: Այն գտնվում է քաղաքի հյուսիսային մասում՝ ծովի մակարդակից 1400 մետր (4593 ֆտ) բարձրության վրա։ Այն ունի 2 հեկտար (5 ակր) տարածք և 8 մետր միջին խորություն (26 ֆտ): Այս փոքրիկ լիճը համարվում է Հայաստանի ամենագեղեցիկ աշնանային վայրերից մեկը: